G.A. MONTEASTVRES

G.A. MONTEASTVRES

viernes, 24 de febrero de 2017

CARANGAS-PICU LA GÜÉRFANA-PICU LA CRUZ DE VALDORÉ-XERRA d'ARANGA-CARANGAS

















 
La ruta de güei,entamámosla en Carangas,pueblu del conceyu de Ponga,situau na falda de la Xerra d'Aranga,a 780m d'altitú.El pueblu ye perguapu,soleyeru y con vistes impresionantes.Les cases tan bién cuidaes (creo que viven una docena de persones).Lo peor,la carretera pa llegar.Ye pindia,enllena de curves y estrecha.Si te cruces con otru coche,....Ufffff,.....Quiero mas nun pensalo.Dexamos el coche a la entrada'l pueblu,al llau la Ilesia.
Ilesia de Carangas.Al fondo la Llambria.
 El Tiatordos
A la salida'l pueblu,topámonos con un de los vecinos.Charlamos con el.Preguntamos-y sobre la ruta que queremos facer y otres coses del pueblu.
Entamamos ruta en dirección Este.Al fondo ya se acolumbra el cumal del Picu La Güérfana,un de los obxetivos de güei.
Atrás vamos dexando'l pueblu.Al fondo,la Xerra de la Llambria.
 Los ablanos ya tan floríos.Al fondo la Llambria.
Del pueblu,sal un xiénda que lleva'l Colláu Sorbeyu.Esti ye'l camín mayor pa facer la Güérfana y la Cruz de Valdoré.Nosotros,quisimos facer algo......
......diferente y al salir del pueblu,colamos pal Colláu la Llama,pa intentar facer la Güérfana por la crestería Noroeste.
 La xubida,ye pindia.Llonxe acolúmbrase'l Tiatordos.

Llegamos al Colláu la Llama y acolumbramos la Mota Cetín.

Al ganar altura,vemos toda la Xerra de La Llambria,la Peña Crespa o Los Tornos y el Picu Maoñu.Abaxu,el pueblu de Carangas.

Carangas,acercau col zoom de la máquina semeyes.
Seguimos xubiéndo,buscando la crestería.
Al ganar altura,acolumbramos mas cumales








 Llegamos a la crestería y......
......atopámonos con pasos complicaos.Asina que.....
.....buscamos zones mas afayadices. Nun queremos arriesgar.Perdemos un poco......
......d'altura,buscando pasos.....
......con trepades mas fáciles.
Seliquín y con cuidao nun soltar piedres,......
.....llegamos al cumal de la Güérfana.
Delantre,tenemos al Picu Pierzu.
El Picu Pierzu,el Valle'l Texedal y llonxe,los Picos d'Europa.
Al Sur vemos la Cruz de Valdoré,el siguiente picu que queremos facer

Facemos unes semeyes de cume,n'alcordanza.




Dexamos la cume y colamos pal Colláu Sorbeyu y Cruz de Valdoré.
Atrás dexamos la Güérfana
Al fondo,vemos el pueblu de Carangas,onde entamamos la ruta.Llonxe,la Llambria,Peña Crespa,Maoñu,Vizcares y Coniu.
 Llegamos al Colláu Surbieyu y....
.....entamamos la xubida a la Cruz de Valdoré.
 Llonxe,el Macizu Occidental,va dexándose ver
Seguimos xubiéndo.Seguro que al ganar altura,les vistes al Occidental serán meyores.
Atrás vamos dexando el Colláu Surbeyu y la Güérfana
 Parar y esfrutar d'estos momentos,ye obligao
 Los güeyos vanse pal Macizu Occidental.Ye......
 .....algo máxico
La Torre de Sta.María,Peña Santa,Torrezuela.........El pre-cornión,col Cantu Cabroneru y Beza....

Macizu Occidental o Cornión.

Llegamos al cumal,de la Cruz de Valdoré.
 Macizu Occidental o Cornión y el pre-Cornión desde'l cumal.
Macizu Occidental o Cornión
 Depués de la xinta,facemos una semeya de cume y......
 ......colamos.
 Podríamos estar la vida entera,contemplando tanta guapura.Pero....
 ....tenemos que colar.
 Queremos facer toda la crestería hasta'l Colláu Busllín.

 Crestería de la Xerra d'Aranga.
 Vamos buscando los pasos mas seguros.
 Baxamos seliquín.Afitando bién los bastones.
 Una canal yerbosa,llévanos al Colláu Busllín.
 Una paradina pa descansar y.....
 ....darréu colamos.Llonxe,acolumbramos Carangas.En dellos sitios piérdese la xiénda,pero.....
 ....nun hai problema pa caminar.Al fondo,vese la Xerra d'Aranga d'onde venimos.
 Cruzamos l'Arroyu Carangas y llegamos al pueblu.

 Miramos atrás,pa ver el camín recorríu.Al fondo,el Picu la Güérfana.

 Carangas.Al fondo la Güérfana.
 El sol va poniéndose detrás de la Llambria.
Depués de cambianos de ropa,esperamos a que subieran pal pueblu todos los vecinos,pa nun atopamos con ningún coche al baxar.
En Carangas nun hai chigre,asina que baxamos pa otru pueblu a cellebrar un perguapu día de monte.