G.A. MONTEASTVRES

G.A. MONTEASTVRES

martes, 29 de noviembre de 2016

PIGÜEÑA-PEÑA CHANOS-MAYÁU MOTIZ-PIGÜECES-PIGÜEÑA








<

Powered by Wikiloc

La ruta de güei,entamámosla nel pueblu de Pigüeña
Pasamos al llau'l llavaderu'l pueblu y d'un.....
....horru,onde un......
.......gatín asoléyase guapamente.

Pasamos al llau d'otra casa y vemos.....
....otru gatín tomando'l sol.El cutu a estes hores de la mañana ye abondu y los primeros rayos de sol,agradécense.
La ilesia'l pueblu y.....
....los teyaos de les cases,vamos dexándolos atrás.
Colamos per xiénda entre árboles, .....
......cotolles y felechales.
d'Unu nunu,vamos ganando altura.A la espalda,La Xerra de la Serrantina.


















Xubimos tranquilos,nun tenemos prisa.l'Obxetivu ye: ¡¡¡Esfrutaaaaaar!!!
Perguapos carrascos.....

......con les fuelles verdes en plena seronda y....
....los frutos encarnaos,enguapen l'entornu per onde pasamos.
Nun claru,facemos una paradina pa descansar y comer dalguna cosa.La xubida ye pindia y parar,tamién ye esfrutar.
Facemos una semeya y......
.......colamos darréu.

Metémonos per un fayéu.....

.....col suelu alfombrau de.....
......fueyes y.....
.....dalgo nieve en dellos sitios.
Sin danos cuenta,llegamos al cumal de la Peña Chanos o Peña la Gargantiecha.
Al Nordeste,tenemos la Peña'l Rubio y el Picu Vildeu.
Al Sur,la Xerra de la Serrantina
Abaxo la xerra,acolúmbrase'l pueblu de Rebollada
La Rebollada.
Facemos unes semeyes nel cumal.

Cumal de la Peña Chanos (1249m)
Colamos del picu y buscamos .....
....la xiénda que nos lleve al Chanu la Chanza.El camín ta medio perdíu.Salimos a un claru y....
....volvemos metenos na viesca.
Pasamos al llau de fayes col troncu deformau pol pasu de los años y les tormentes de viento y nieve.
Llegamos al Chanu la Chanza.
Chanu la Chanza
Facemos unes semeyes col Altu'l Rubio,al fondo


Picu'l Rubio
Colamos del Chanu y volvemos metenos nel.....
.....fayeu.Caminamos entre fueyes y.....
.....feleches.
Les feleches,al contrariu que los felechos,siguen verdes y nun se pones mosties na seronda.
Seguimos baxando y......
....llegamos al Mayáu Motiz.

Mayáu Motiz

Colamos del mayáu.
La xiénda,conviértese'n caleya.

Una vaca sal del prau,pa venos pasar.
La caleya,pasa'l llau del Ríu Pigüeces.

Baxando toos xuntos,llegamos a....
......Pigüeces.
Nel altu'l pueblu,atópase la Ilesia de San Xuán.
Ilesia de San Xuán,en Pigüeces.
Al llau de la Ilesia,xuntu a.....
......texu centenariu o milenariu y......
.....col Ríu Pigüeces poniéndo la música,facemos la xinta.


Una semeya "d'altura".
Antes de colar,facemos una......
....semeya al llau la Ilesia de San Xuán.
Cruzamos el pueblu,......
.....pasamos al llau d'un horru y
.....coyemos la xiénda,que comunica los pueblos de Pigüeces y Pigüeña.
Pasamos pel mediu.......
.....d'un casteñeu.
Fueyes y castañes,mécense nel suelu.
Tamién atopamos dalguna mora,escondía entre los matoxos.
La xiénda ye pindia hasta......
......llegar a les cabañes de Fresneu,onde.....
....facemos una paradina y.....
.....darréu colamos.Los días son cortos y la xiénda.....
.....va cerrándose según avanzamos.

Entre feleches,felechos y......
........cotolles,salimos a zona aérea.
La xiénda nesta parte,ye estrecha y aérea.Les vistes al valle son perguapes.
Abaxu vemos el pueblu de Robledo.
Nun quiero pensar,que se nos eche la nueche encima y tener que caminar por esta xiénda.
Nun hai problema.Quédanos un hora de lluz y ya tamos llegando al pueblu.
Robledo
La xiénda fáise mas afayadiza,.......
...según nos acercamos al pueblu.
Llegamos a Pigüeña y......
.....cabiámonos de ropa al llau'l llavaderu,.....
....xunto con les vaques,que llegaben a beber.
Güei,teníamos el presentimiéntu de que díbamos ver un osu.Al final vímoslu........
.....retratau nun cartel,que taba nel chigre de Aguesmestes,onde paramos pa tomar un cafetín,un refrescu o lo que seya.