G.A. MONTEASTVRES

G.A. MONTEASTVRES

miércoles, 5 de agosto de 2015

SOTU d'AGUES-PICU COGOLLU-PICU CORBELLOSU-SOTU d'AGUES

El sábadu pasau,los monteses,entamamos un ruta pel Parque Natural de Redes.En concretu,tiramos pa la Sierra de la Peña Escrita.Queremos salir de Sotu d'Agues y facer el Picu Cogollu y el Cobellosu.La ruta prevista ye:

Sotu d'Agues-Mayau Aviáus-Mayau Cogollu-P.Cogollu-Collau Peruques-Foz de Sogrande-Collau Corbelllosu-Picu Corbellosu-Foz del Corbellosu-Mayaos de Trapa y Pandu-Sotu d'Agues.

                      Desnivel de subida............1420m
                      Desnivel de baxada............1420m
                      Distancia horizontal...........18,5km
Depués de caminar per la "carretera" de la Ruta l'Alba,coyemos una xenda que nos lleva a los Mayaos de Les Bories y Aviáus.Nesta semeya,tamos pasándo por Les Bories

Cruzamos l'arroyu Los Aviáos.


Pasándo per Los Aviáos.

Cruzamos un fayéu.

La xenda,casi la tapen los felechos


Volvemos a metenos,na viesca.


Atopamos un "cuélebre" ó algo parecío

Cabeza con güeyos y cornamenta.

La xenda va estrechándose.


Salimos de la viesca.Facemos una paradina.Xonxe,vemos el Corbellosu.


La paradina ye corta.Darreu colamos pal Mayau Cogollu.

Mayau Cogollu.

Al fondo'l Picu Cogollu.

Les vaques,mírennos al pasar.Al fondo'l Cogollu.




Sin parar nel collau,colamos pal picu.

La subida al picu,facémoslo per la crestería.




Llegando al cumal del Cogollu



Cumal del Picu Cogollu

Panorámica desde'l picu.
Semeyes de grupo n'alcordanza.


Buzón de cume nel Picu Cogollu (1225m)

Colamos del picu.Crestearemos el Picu Mezquita y el Larraz,pa llegar al Collau Peruques.

Semeya nel Collau del Cogollu.

Topámonos con un campu de felechos.La xenda,ta medio tapada.Esto ye un aperitivu de lo que nos espera.Na Foz de Sograndio,los felechos son tan altos,que los mas pequeños,tienen que dir con les manes n'altu,pa saber donde tán.¡¡¡¡Non vos queda ná,je,je,je.!!!!.

Llegamos al Collau Peruques.

Collau Peruques.La vaca salúdanos,llevantándo'l rau.

Baxándo pa la foz,topamos restos de xenda.Tenemos que baxar al fondo'l valle,bordear el Cobellosu y volver a subir.El desnivel de baxada ye de 200m,que tendremos que recuperar pa llegar al Collau'l Corbellosu.


La xenda piérdese y los felechos ciérrennos el pasu.


Un h,itu,diznos que tamos nel camín correutu.

La subida al Collau Cobellosu ye pindia,pero la xenda ta llimpia.Tou'l desnivel perdíu,tenemos que recuperalu.


Llegando al Collau Corbellosu

Lo primero que facemos,ye mirar la xenda de subida.


Facemos un pequeñu descansu y..........

.........colamos pal cumal.

Una vaca escaladora.

La subida ye "gochona",pasos empedraos y yerbosos,dificúlten la subida.

Baxándo del cumal.

La xinta,facémosla nel collau.



Non pudimos facer semeyes de cume,asina que facémosles de collau.


Cruzamos l'arroyu'l Corbellosu,que da nome a la foz,por la que pasamos.


Llegamos al Mayau La Trapa.


Semeya nel Mayau La Trapa


Sotu d'Agues,desde'l Mayau La Trapa


Llegando al Mayau Pandu.


Picu Cogollu,desde'l Pandu.


Ríu l'Alba,na ruta del mismu nome.


Unes cabres

Facer casu del cartel.l'Agua'l río ta perfría.

Un trozín de senda,alternativu a la "carretera".

Dempués de la ruta,sentámonos nuna terraza'l pueblu,pa tomar un refrescu..........ó lo que non ye tan refrescu,pero que refresca tamién (menudu llíu de pallabres).

1 comentario:

  1. Perguapu reportaxe!! Como volver a pasar por lugares tan hermosos.

    ResponderEliminar