El martes,los monteses colamos de Xixón,pa facer una ruta per los montes de Lleón.Lo previsto ye subir al Picu Llerenes (1893m),al Castaño (1861m) y Les Peñeres (1878m).El día gris,cielu toldau y borrina per los cumales.Según coyemos altura,el cutu va n'aumetu.Al llegar al collau del Picu Llerenes,empicipia a orbayar.Mas qu'orbayu,son pequeños falopos.Un vientu xelón,escarabáyanos los focicos.Tenemos que poner toda la ropa d'abrigu que llevamos.El Picu Llerenes,tápase con la borrina y el viento ye mas que fuerte,dalgunes veces ye furacanau que casi nos tira.Los años de montaña que tenemos al llombu, díncennos que colemos y dexemos el Llerenes pa otru día.Asina facemos.Abellugaos al llau d'unes piedres,comemos a dures penes el bocadillo,regau con un vino,que según dixo el que lu trixo,llera perbuenu,un reserva del 2009.Yo que non bebo mas qu'agua y col cutu que tenía,pegué unos llingotazos que me dexaron puestu pal restu'l día.Depues del bocata,seguimos ruta y ficimos los otros picos,Les Peñeres y el Castañu.
Desnivle de subida...............................1.200m
Desnivel de baxada..............................1.200m
Distancia horizontal..............................22,5km
 |
| Ilesia de Salamón |
 |
| Llonxe acolúmbrase l'obxetivu de güei.Los cumales tan emborrinaos. |
 |
| Cruazamos el pueblu de Salamón y coyemos la pista que lleva al Collau Anciles |
 |
| Llonxe va quedándo Salamón. |
 |
| Llegamos a un pequeñu refuxu.Al fondo les Peñes Pintes y el cordal de Los Serrones Negros. |
 |
| Peñes Pintes y Serrones Negros. |
 |
| Dexamos la senda que va al Collau Anciles y tirámonos directos a la crestería del Picu Fuentes. |
 |
| Subimos per una canaleta yerbosa.La primavera,déxala asina de perguapa. |
 |
| Al fondu,el pueblu de Salamón. |
 |
| La crestería de Los Serrones Negros. |
 |
| El Picu Llerenes,ya lu tenemos mas cerca. |
 |
| Llegamos a la crestería. |
 |
| Abaxu,vese'l pueblu de Salamón |
 |
| Un vientu xelón,azota la crestería .El Picu Llerenes emborrínase enteru.Colamos como tiros y buscamos abellugu. |
 |
| Desde les Colladrines,vemos Riañu y l'embalse. |
 |
| Subiendo a Les Peñeres,el día despexa un poco. |
 |
| El buzón diz que tamos nel Picu Castaño.Según el mapa,ye Les Peñeres. |
 |
| El h,itu de cume y un curiosu buzón.Quier asemeyáse a un anemómetru(sin tecnica de medición). |
 |
| Semeya de cume.Abrigaos con toda la ropa que teníamos na mochila. |
 |
| Desde les Colladrines vemos Riaño,l'embalse,el Gibo,el Cuetu Cabrón..... |
 |
| Picu Castañu. |
 |
| La borrina,vuelve a metese. |
 |
| Colamos del picu como tiros.El cutu vuelve ser abóndu. |
 |
| Queremos baxar a Lois,per la biesca Le Texales.Coyemos una canaleta pindia,pero facil de baxar. |
 |
| Al final de la baxada,topámonos con un pasu delicau. |
 |
| Si te fallen les manes ó la patuca,el focicazu ye coyonudu. |
 |
| Agarrase como una llámpara y mover mano ó pié.Siempre tres puntos d'apoyu y facelo seliquín.Asegurando.Non tenemos prisa.El dichu montañeru ye que la cume principal,ta siempre nel llugar del iniciu.Meyor llegar tarde,que llegar mancáu ó............... |
 |
| Al final,el pasín fué prestosu. |
 |
| Ya vemos el pueblu de Lois. |
 |
| Colamos pa la biesca. |
 |
| El monte ta perguapu.Caminamos per una alfombra de flores. |
 |
| A la entrada'l fayeu,topámonos con esta fonte/bebederu. |
 |
| Un traguín d'agua,pa la sede. |
 |
| Una caleya,cruza la Biesca los Texales. |
 |
| Diferentes opiniones,sobre la baxada y la posición del pasucu delicau. |
 |
| Coyemos la pista que xune Lois,col Collau del mismu nome. |
 |
| Llegamos a Lois. |
 |
| Ilesia de Lois.Conocía como la Catedral de la Montaña. |
 |
| Un edificu con esti teyau,al llau d'esta Catedral de la Montaña,non ye lo mas guapo. |
 |
| Una guapa fonte,nel medio'l pueblu |
 |
| Casona de los Reyero |
 |
| Colamos de Lois,per la carretera que lleva a Ciguera.Lugar d'inici y retornu. |
 |
| El ríu Dueñes |
 |
| ¡Menudu xatu! |
 |
| Llegamos a Ciguera. |
