G.A. MONTEASTVRES

G.A. MONTEASTVRES

domingo, 1 de abril de 2018

PONTE LA VIDRE (TRESCARES)-MAYÁU H,ACES-TRESPANDU-PICU l'HAYA- SOBREVIÑA-CANAL DE RUBÓ





 Güei,la ruta entama en Trescares.Dexamos el coche nun aparcamiéntu,al llau del Ponte La Vidre.
 Esti ponte,ye de orixen medieval,posiblemente romanu.Tién un güeyu solu,per onde pasa el Ríu Cares.

 Cruazamos pel ponte a la otra oriella'l riu y coyemos una xenda.....
 .....que pasa pel mediu d'una viesca.Vamos abrigaos.A estes hores,la temperatura ye baxa.
 El sol métese per entre les  rames de los árboles.Atopamos bastantes encines.Esti sedría bon sitiu,pa criar gochos.Les encines dan bones abeyotes.
 Vamos saliéndo de la viesca y columbramos al Norte,parte de la Xerra'l Cuera.
 Ye obligao parar y facer una semeya.El cielu ta despexáu,con un azul intensu.Ni rastru de nubes.

 Al fondo colúmbrase la Pica Peñamellera.
 Aquí la teneis.Perguapa y gayolera.Solitaria y desafiante.Pequeñina y galana.Vistosa y brava. "Solo" tién 763m d'altitú,pero........nun-vos fieis de l'altura.Nun desprecies lo baxu.Tratala con respetu.Nun ye una pica cualquiera,ye.......LA PICA PEÑAMELLERA.
Nosotros seguimos camín,per xienda marcada,entre vexetación y....

...peñascos.
 La xubida ye pindia.Vemos dalgún árbol doblau,per les nevaes y tormentes.
 Al fondo colúmbrase la Xerra'l Cuera,con los cumales mas altos cubiertos de nieve.
 El mundu a los nuesos piés.
 Güei,....
 ...la montaña ye nuesa.
 Seguimos camín.El h,itu,señálanoslu.
 Ya vemos el Mayáu H,aces y.....
 .....el Macizu Central de los Picos d'Europa.
 La semeya n'alcordanza,ye obligao.
 Casi tocamos con la mano la Xerra de Xuán Robre.
 Pasamos al llau les cabañes de H,aces.
 Están bién cuidaes.Vese que nesta zona....


 ....hai vida.
 El perrín descansa tranquilu.
Arriba,tenemos el Picu H,aya,onde queremos xubir.Abaxo.....
 ...tenemos el pueblu de Oceño y.....
 .....defrente,Trespandu.
 Llegamos al Picu H,aya y facemos les semeyes....
 ...de cume.
 Al Norte,vemos la Xerra'l Cuera.
 Al Sur,la Xerra Nedrina y la del Cocón.
Los Picos d'Europa.
La parte mas oriental,de la Xerra'l Cuera.
Abaxu,vemos el Mayáu Sobreviña,per onde tenemos que pasar dempués de facer la xinta.
Llegamos a Sobreviña y seguimos la xenda que....
....pasa al llau del bebederu de Sobreviña.
Bebederu de Sobrevilla.
 Seguimos lladera p'abaxu,buscando la Foz del Rubó.



 Facemos una paradina.Ya tamos abaxu y  podemos reposar un pocu.
 Cruzamos el ríu.Ni una gota d'agua per esti sitiu.De xuru,que calce arriba hai un sumidoriu como un burru de grande,que traga tou l'agua.
 Seguimos baxando per xenda bién marcada.
 Una de les varies cueves,q'atopamos baxando.

 Seguimos camín.

 Pasamos agora per una llera.

 El Rubó,como per arte de maxa,vuelve apaecer.Baxa ....
 .....bravu y caudalosu.
 Paramos pa esfrutar de tanta guapura.Nun tenemos prisa.Esto ye'l paraisu y el mundu ye nuesu.
 Seguimos foz abaxu.
 l'Agua baxa per cualquier llau del monte,allimentando'l.......
 ....Rubó.
 Un furacu enmediu d'una roca.
 Cruzamos el ponte y.....
 ...dexamos al Ríu Rubó,que vaya a mecese col Ríu Cares,en Trescares.
 Una fonte al llau la xenda.
 Entramos nuna viesca.

 Ya vemos a Trescares
 Unes cabres mírennos al pasar.
 Volvemos a tornar a la xenda de'l entame la ruta.
 
 Trescares.
 El Ríu Cares.
 Una semeya al llau'l.....
 .....Ponte la Vidre,onde entamamos esta perguapa ruta.
                                                      ASTURIES 2018.TRIPLE ANIVERSARIU

Centenariu de la coronación de la Virxen de Cuadonga - 1.300 años del orixen del Reinu d'Asturies - Centenariu de la creación del Parque Nacional de la Montaña de Cuadonga.(Güei, Parque Nacional de los Picos d'Europa)